ST. ELIZABETH OF HUNGARY
Tuesday, November 17, 2020
Hungary ram zohkhenh kilventu mithiang Elizaberth cu 1207 kum Pressbury khua ah a chuak. Amah cu Andrew Siangpahrang (2) nak fanu a si. A no liotein Thuringia khuami Luis he ṭhitumnak an tuah i fa pathum an ngei. Duhnung a um tuning le a lungthin thianghlimnak nih a va pa kha a lemsoi khawh ngai.
A vapa cu khualtlawnnak in a raktlun fate laksawng pakhatkhat a rak phawrh peng bantukin nangmah hlawtnak cun tlang bantukin aa pungmi sui le ngun hna tu ka hlawt deuh lai, a ti ṭheu tawn. Ahnu kum tlawmpal ah a va Louis cu Crusade ral tukding in tilawng in a kal lioah Palikzawt nak nih a tlunh i a thi.
A ruak kha Germany ramah an rak phorh tikah Elizaberth cu a ṭap ai in “Vawlei pi le a nuamhnak vialte cu ka caah an thi dih cang,” tiah a chim. A rauh hlanah Franciscan pathumnak zulhnak phu ah alut i zeitikhmanh ah va ka ngei ti lailo,” tiah bia a khiah.
A nunnak a hnubik kum hna kha amah a rak sakmi Marbury siizung i sifak tampi hna kha ṭha tein zohkhenh bawmhchanh nak in a caan a dih ter. Elizaberth cu 1231 kum, kum 24 ah a thi. Amah thlarau lei Siangbawi nih “Amah cu mizaw le sifak hna caah vikcak ngaiin a ṭuan bu hmanh in amah nak in daitein thla a cammi nu ka hmuh bal lo,” tiah dirkamh in a rak chim.