(MITHIANG ST. LUKE

Sunday, October 18, 2020

       Siibawi hna le zungmawi saya hna zohkhenhtu dingah rian khinh a simi (mithiang) St. Luka cu Antioch khuami Greek siibawi pakhat a si. A nunnak aa thleng hnuah St. Paul i mission rianṭuannak ah kutsih in a dongh tiang a ṭuanmi a si. St. Paul nih thongchung a um lioah, “Luka pakhat lawng keimah he hmunkhat in a um,” tiah a rak ṭial. (2Tim 4:11 zoh)

          64 AD, St. Paul cu martyr in a thih hnuah St. Luka cu Greek ramah aa din i a pathum nak thawngṭha le lamkaltu kha a rak ṭial. Mifimthiam a si bantuk in Bible cu ningcangte le fiangtein a rak ṭial. Vancungmi nih Nu Mary sinah thawng a thanhnak le Nu Mary nih Elizabeth sin a va lennak kong tlingtein a ṭialtu cu amah lawng asi. Hlan phung tuanbia ningin zungmawi a thiamtukmi a si bantukin Nu Mary zuk (hmanthlak) a suai hmasatu bik zong a si, ti asi. Kum 84 a si ah a thi i amah thilhlun hna kha Constantinopal khua zultu hna Biakinn ah an chiah i minih an upat cio.