Pawngkam Rawhral Lo Dingah Pope Francis Cathluan

Vawlei caah Pathian nih a chiahmi program

Pathian nih minung hi amah muisam he i lawh in a kan ser

(1) Pathian le minung i komhnak ( pehtlaihnak) a ṭha lai.

(2) Minung pakhat le pakhat pehtlaihnak a ṭha lai.

(3) Minung le pawngkam rualremnak a um lai.

(4) Minung cu mah hakkauhnak, mah calawng ruahnak, hornak lungthin

     namnehnak… tbk in lunghtin ṭhalo hna kha a uk kho lai.

Vawlei thawkka ah minung hi kapli in pehtlaihnak a rak ṭha. Minung nih Pathian khuakhannak zulh loin mah duh ningin an rak nung ruangah a ṭhalo sualnak a ra lut. Thil ṭhalo sualnak nih a khuhchilh ruangah minung an rak rawk. Minung cu mah hakkuahnak, mah calawng ruahnak, hornak, namnehnak.. tbk in lunghtin ṭhalo, lungpuarnak hna ukkhawhnak kha an rak sungh. Sualnak ruangah kapli pehtlaihnak cu a rak rawh.

Pawngkam a rawhnak cu Minung ruangah a si. Minung hakkauhnak thinlung le micheukhat ṭhathnemnak calawngah an ṭuan i, hmailei minung ca ruat loin vawlei chung chuak thilri hna kilveng loin an rak cawh, an rak lak dih. Kokek pawngkam khamh duh ahcun Kokek zohkhenh kilvennak lengin minung lungthin, lungput zong i remh chih a hau.  Bawipa Jesuh cu sermi silio um tuning lakṭhan piak dingah a rak rami a si. ” Nan caah a tlingmi (kenkip a ṭhanchomi) nunning ziaza nan hmuh khawhnak hnga hi vawlei ah ka rak ṭum” (Jn; 10; 10). Minung lungthin siamremhnak; Minung cu hakkauhnak thinlung remh i ahlu pek siannak, bawmhchanhnak, semrelnak, thilri i hrawmh hmanṭinak, zawnruahnak lungthin kan ngeih lai. Mah calawng ruahnak in zapi ca ṭuannak lungthin kan ngei lai. Hor duhnak thinlung kha nupi pakhat va pakhat rikhiah chungah chiah a silai. Namnehnak in zaangfah zawnruahnak, upat ṭihzah in i komhnak, mah ṭhathnemnak hlawtin zapi ca ṭhathnemnak a tuahtu kan si lai. Lungthin ṭhalo ukkhawhnak cu Pathian thluachuah veel bawmhnak in kan hmuh ṭhan khawh.