ST. MARIA GORETTI (NUNGAK THIANG, MARTYR,1890-1902)

Monday, July 06, 2020

         Mino hna a zohkhenhtu Maria Goretti cu misifak lothlo chungkhar in1890 ah Italy ram Natonine khua ah a chuak. Kum 19 a ti ah a pa cu raifanh zawtnak in a thih caah a nu lo a thlawh caan ahhin inn ah ngakchia cawnghpiak nakin a nu kha a bawmh tawn. 1902 kum ah kum 18 a si mi, Alexandar an ti mi mino pakhat cu, innchung ah Maria pakhat lawng a um kha a theih tikah a luh hnawh. Amah cu sualnak a si mi halnak kha a tuah caah Maria nih “Tuah hlah, Mah ti hin tuah cu sual a si, Pathian nih a duh lo” a ti i a bia kha a al. Alexandar nih a hnipuan kha a phoih piak tikah Maria nih lukun in chang nakcha cun ka nunnak ka dihter lai” tiah a au. Maria i a bia chahnak ruangah a thin a hung tukmi Alexandar nih Maria kengah nam in a chunh i a tliktak. Sizung ah an kalpi i rianrang in an thlop ko nain zei san a tlai ti lo. Suimilam 24 a rauh hnu (a hnu nikhat) ah mithattu pa kha kan ngaihthiam tiah a chim hnu ah a thi. Mah lio ahhin Maria cu kum 12 lawng a si rih. Alexandar cu kum 30 chung thong a tlaknak ah langhnak pakhat a hmuh i cu a mang ahcun Maria nih amah kha a raang ngai mi pangpar pakhat kha a pek. Cu hnuah Alexander cu aa ngaichih i Maria nu sinah sual ngaihthiamnak kha a hal. Pope Pius (12) nak nih Maria kha a nu hmuhhngan ah mithiang sinak a pek. Cucu Bupi tuanbia ah khuaruahhar thil pakhat a sive. Maria i thlacamnak in khuaruahhar thil tampi a chuak i cu lakah Alexandar a lung aa thlennak cu lianngan bik huham a si.