Corona Virus Harsat Caan Ah
Easter a thaizing Cacawn nikhat (1) ah “Maw Van Siangpahrang Nu – Thawnhṭhan Angelus” thlacamnak a dih in atu lio kan ton cuahmah mi corona virus harsat caan lioah nu pawl i an thil tikhawh ve ning he pehtlaiin Pope nih bia a chim.
Kan Bawipa Jesuh Khrih a thawhṭhan cangnak konglam
Nu cheukhat nih Zultu hna sinah an chimh hnanak kong he pehtlaiin Pope Francis nih: “tubantuk harsatnak kan ton cuahmah lioah nu pawl nih pawngkam caah rian an ṭuan khawh ve ning he pehtlaiin langhter ka duh ve.”
A chimchap mi cu sii leiin thiamsannak a ngeimi nu doctor pawl si hna seh, nurse hna, pawngkam hngaktu le kilvengtu hna, chawdawr hna i rianṭuan in mah le chungkhar cio caah rian a ṭuantu si hna seh, hi zawtnak hrik ruangah inn chungah kharkhumh in a ummi chungkhar pakhat cio i nu bik si hna seh, ngakchia-mino si hna seh, taksa leiin chambaunak a ngeimi si hna seh, an ca zongah biachim theihternak a tuah.
Nu cheukhat hna zong harsa ngaiin a ummi an um bantukin taksa leiin tlaih-hrem a tongmi zong tampi an um kho.
Pope Francis nih: “Pathian nih intuar khawhnak thazaang in pe hram ko hna seh: nan pawngah thlacam bawmh dingin ka umpeng ko. Pakhat le pakhat thlacam i bawm zungzal hna u sih” a ti.