2021 Ulcaan caah Pope Francis tial mi capar chungin lak mi bia

November 11, 2020 ni ah min a thut i February 12, 2021 ni ah chuahmi Pope Francis i Ulhcaan biacah cu “Jerusalem ah kan hung kal lai” (Matt 20:18) timi Bible cacang in a hram aa thawh.
Hmuitinh mi pathum: Zumhnak, Ruahchannak, Dawtnak hna kha tharchuah ṭhan ding ti a si.
Pakhatnak ah: “Zumhnak ti tikah ahmaan mi kha cohlaan thiam ding le cu ahmaan mi kha Pathian hmai le minung hmai ah langhter ding (Tehte) a si” tiah a ti.
Pahnihnak ah: “Ruahchannak timi cu vancungram lei hoih in khual kan tlawn lio ah khamh kan si khawhnak hnga ding caah thazang thar a kan petu tiput a si” a ti.
Pathumnak ah: “Dawtnak timi cu biatak tein minung vialte hna cungah zangfah thiamnak lungthin ngeih ding le Bawipa nih a rak kan hmuhsak cangmi lamzawh in kan zumhnak le kan i ruahchannak hna kha hmualngei ngaiin a langhter khotu ṭhawnnak a si” a ti.
Cu a si caah, kan nunnak lamthluan ah zumhnak cungah hrambunh i ruahchannak ah thazang i lak in kan Bawipa Jesuh Khrih hnu zulh cio dingin a kan forhfial.
Ulhcaan ah pakhat cio in siseh, phu cio in siseh, ziaza ṭhatnak ṭhan ter ding, cun thacamnak, pekchanhnak thawngin Jesuh Khrih cung kan zumhnak ah nunthar in nun khawh cio ding tiin forhfialnak a tuah.