ST. ANTHONY CLARET

Bishop (1807-1870)

            Sualhram ngeilo Nu Mary lungthin thiang fa hna missionary phu (Missionary Sons of Immaculate Heart of Mary) kha rak tuah hmasatu mithiang Anthony Claret cu Spain ram Salient khua ah, 1807 kum ah a chuak. Tlangbawi cannak a hmuh hnu 1849 kum hnuah Anthony Claret cu Spain ram vialte ah a vak i minthangmi rawl-ulh thlacam missionary rian kha a rak ṭuan.

            1849 kumah sualhram ngeilo Nu Mary lungthin thiang fa hna missionary phu kha a rak dirh thawk. An phu i a biapibik mission rian cu ramchung le ramleng mission rianṭtuannak a si. Cuhnu kumkhat a rauh tikah Fr. Anthony cu Santiago de Cubao Bishop ah riankhinh a rak si. Amah cu mission uknak chung i a ṭhalotuk cangmi dirhmun kha a hmuh caah thlarau lei remhthlennak kha rianrangin a rak ṭuan colh. A mission rian kauhnak caah tikulh cungah cun sualhram ngeilo Nu i Sister hna phu  (Teaching Sisters of Immaculate Mary) zong kha a rak dirh.

            Kum 1856 ah Spain ram ah an rak auhṭhan i Siangpahrang nu Isbel II nak i thlarau lei lam hmuhsaktu Tlangbawi ah riankhinh a rak si. Cu rian he komh in thawngṭha kha hmunkip ramkip ah karhter dingin Biaknak kipah Biaknak lei santlai mi cauk hna zong a rak chuah. (The Liberia Religiosa of Barcelona) cu ram chung vialte ah thawngṭha karhnak le thar chuahnak (hrintharnak) ah a biapibik mi hmunhma a rak si.

1870 kum, a hnubik a caan hna kha France ram Mon Friar de khua i Chitesian Zateih Sianginn ah a nunnak a liamter. Amah a nunchung vialte ah phungchimnak 10,000 le Biaknak lei he pehtlaimi cauk 200 kha a nam i a rak chuah.